Heimsókn menntamálaráðherra
|
Ákveðið er að menntamálaráðherra heimsæki grunnskóla Tálknfjarðar og Vesturbyggðar þriðjudaginn 23. maí. Heimsókn ráðherra var á dagskrá síðastliðið vor en frestaðist þá vegna karps í þinginu.
Ráðgert er að ráðherra heimsæki skólana á Bíldudal, Tálknafirði og Patreksfirði hið minnsta og kynni sér starfið þar. Hún mun fylgjast með kennslu í dreifmennt ásamt ýmsu fleiru. Dagskrá heimsóknarinnar er sem hér segir.
Kl. 11:00 Tekið á móti ráðherra og föruneyti á Bíldudalsflugvelli.
Kl. 11:15 Heimsókn í Grunnskóla Vesturbyggðar á Bíldudal.
Kl. 12:00 Grunnskóli Tálknafjarðar heimsóttur.
Kl. 12:15 Kennslustund í dreifmennt í Grunnskóla Tálknafjarðar
Kl. 12:40 Grænfáninn afhentur í Grunnskóla Tálknafjarðar.
Kl. 13:00 Hádegisverður í íþróttahúsinu á Tálknafirði í boði Tálknafjarðarhrepps.
Kl. 14:00 Haldið frá Tálknafirði til Patreksfjarðar.
Kl. 14:20 Heimsókn í Grunnskóla Vesturbyggðar á Patreksfirði.
Kl. 15:00 Kynning á dreifmenntaverkefninu í Patreksskóla í umsjón verkefnisstjórnar, skólastjórnenda og kennara.
Kl. 16:00 Móttaka á veitingastaðnum Þorpinu, Patreksfirði, í boði Vesturbyggðar.
Kl. 17:00 Skipulagðri dagskrá lokið og gestir kvaddir.
IK |
Forsíða
